കോഴിക്കോട്: കുറ്റ്യാടി കക്കട്ടിൽ പട്ടാപകൽ ജ്വല്ലറിയിൽ മോഷണം. വെള്ളിയാഭരണങ്ങൾ നഷ്‌ടപ്പെട്ടു. മൊകേരി വടയം സ്വദേശി പാറയുള്ള പറമ്പത്ത് വിജീഷിന്‍റെ ഉടമസ്ഥതയിലുള്ള ചന്ദ്രിക ജ്വല്ലറിയിലാണ് മോഷണം നടന്നത്. വെള്ളിയാഴ്‌ച രാവിലെ 11 മണിയോടെയായിരുന്നു സംഭവം.
പട്ടാപകൽ ജ്വല്ലറിയിൽ മോഷണം; ഒരു കിലോയിലധികം വെള്ളിയാഭരണങ്ങൾ നഷ്‌ടപ്പെട്ടു
പാദസരം വാങ്ങാനെന്ന വ്യാജേന കടയിലെത്തിയ മോഷ്‌ടാവ് ഒരു കിലോയിലധികം തൂക്കമുള്ള വെള്ളിയാഭരണങ്ങളാണ് കൈക്കലാക്കിയത്. മോഷണത്തിന്‍റെ ദൃശ്യങ്ങൾ സിസിടിവിയിൽ പതിഞ്ഞിട്ടുണ്ട്. സിസിടിവി ദൃശ്യത്തോടെ വിജീഷ് പൊലീസിൽ പരാതി നൽകി. കുറ്റ്യാടി പൊലീസ് കടയിലെത്തി പരിശോധന നടത്തി.
