കോഴിക്കോട്: വടകര കരിമ്പന പാലത്തിൽ നിന്നും ലോറി തോട്ടിലേക്ക് മറിഞ്ഞു. വെള്ളിയാഴ്‌ച (09-09-2022) പുലർച്ചെ ഒരു മണിയോടെയാണ് അപകടം. സംഭവത്തില്‍ പൂനെ സ്വദേശിയായ ലോറി ഡ്രൈവര്‍ നവാലെ ദാദാഭാഹുവിനെ നാട്ടുകാരാണ് രക്ഷപ്പെടുത്തിയത്.
പെരുമ്പാവൂരിൽ നിന്നും മുംബൈയിലേക്ക് മരം ഉരുപ്പടികളുമായി പോയ ലോറിയാണ് അപകടത്തില്‍പ്പെട്ടത്. കോഴിക്കോട് ഭാഗത്തേക്ക് വരികയായിരുന്ന കാറിനെ മറ്റൊരു കാർ മറികടക്കാൻ ശ്രമിച്ചതോടെ എതിർ ദിശയിലായിരുന്ന ലോറി റോഡരികിലേക്ക് വെട്ടിച്ചു. ഇതിന് പിന്നാലെയാണ് ലോറി തോട്ടിലേക്ക് മറിഞ്ഞത്.
വടകര കരിമ്പന പാലത്തിൽ നിന്നും ലോറി തോട്ടിലേക്ക് മറിഞ്ഞു
