കോഴിക്കോട്: ചിന്തന്‍ ശിബിര്‍ ഉദ്‌ഘാടന പ്രസംഗത്തില്‍ സംസ്ഥാന നേതൃത്വത്തെ വിമര്‍ശിച്ച് കോണ്‍ഗ്രസ് ജനറല്‍ സെക്രട്ടറി കെ.സി വേണുഗോപാല്‍. കേന്ദ്ര - സംസ്ഥാന സർക്കാരുകളുടെ വീഴ്‌ചയും പൊള്ളത്തരങ്ങളും ജനങ്ങളിലേക്ക് എത്തിക്കുന്നതിൽ കോൺഗ്രസ് പരാജയപ്പെട്ടു. നേതാക്കള്‍ ജനങ്ങള്‍ക്കിടയിലേക്ക് ഇറങ്ങി ചെല്ലാത്തതാണ് പ്രസ്ഥാനത്തിന്‍റെ പരാജയമെന്നും അദ്ദേഹം പറഞ്ഞു.
കേന്ദ്ര-സംസ്ഥാന സർക്കാരുകളുടെ വീഴ്‌ചയും പൊള്ളത്തരങ്ങളും ജനങ്ങളിലേക്ക് എത്തിക്കാന്‍ കോണ്‍ഗ്രസിന് കഴിഞ്ഞില്ല: കെ.സി വേണുഗോപാല്‍
നാഷണല്‍ ഹെറാള്‍ഡ് കേസില്‍ ഇ.ഡിയെ വിട്ട് സോണിയ ഗാന്ധിയേയും രാഹുൽ ഗാന്ധിയേയും കേന്ദ്ര സർക്കാർ വിരട്ടാൻ നോക്കുകയാണ്. അത് കോൺഗ്രസിനോട് വിലപ്പോകില്ല. ഈ കോലാഹലങ്ങൾ മുഴുവൻ ഉണ്ടായിട്ടും കേരളത്തിലെ ഒരു മന്ത്രിയേയും ഇ.ഡി തൊടാൻ തയ്യാറായില്ല. എന്നാൽ ലോക്‌സഭ തെരഞ്ഞെടുപ്പ് അടുക്കുന്നതോടെ അത് ഉണ്ടാകുമെന്നും കെ.സി വേണുഗോപാൽ അഭിപ്രായപ്പെട്ടു.
