കോഴിക്കോട്: കല്ലായിയിൽ കെ റെയിൽ കല്ല് സ്ഥാപിക്കുന്നതിനിടയിൽ പൊലീസിന്‍റെ ഭാഗത്തു നിന്നുണ്ടായത് മനുഷ്യത്വ രഹിതമായ നടപടിയെന്ന് കെ.സുരേന്ദ്രൻ. സ്ത്രീകളെ അടക്കം ആക്രമിച്ച പൊലീസിനെതിരെ മനുഷ്യാവകാശ കമ്മിഷൻ കേസെടുക്കണമെന്നും വനിത കമ്മിഷൻ ഈ വിഷയത്തിൽ ഉടൻ ഇടപെടണമെന്നും സ്ഥലം സന്ദർശിച്ച ശേഷം കെ. സുരേന്ദ്രൻ പറഞ്ഞു.
പൊലീസിനെ നിയന്ത്രിക്കാൻ സർക്കാർ തയാറാകണം. പൊലീസിനെ ഉപയോഗിച്ച് കെ റെയിൽ നടപ്പാക്കാനാണ് പിണറായി വിജയൻ ശ്രമിക്കുന്നത്. ഇത് ഒരിയ്ക്കലും അംഗീകരിക്കില്ലെന്നും ബിജെപി സംസ്ഥാനത്തെ മുഴുവൻ കെ റെയിൽ വിരുദ്ധ സമരത്തിനും പൂർണ പിന്തുണ നൽകുമെന്നും സുരേന്ദ്രൻ പറഞ്ഞു.
രാവിലെ 11 മണിയോടെയാണ് കെ.സുരേന്ദ്രനും ബിജെപി കോഴിക്കോട് ജില്ല പ്രസിഡന്‍റ് അഡ്വ. വി.കെ സജീവനുമടക്കമുള്ള നേതാക്കൾ കല്ലായിയിൽ എത്തിയത്.
Also Read: 'കെ റെയിൽ വിരുദ്ധസമരം ശക്തമാക്കും'; സർവേ കല്ലുകൾ ഇനിയും പിഴുതെറിയുമെന്ന് വി.ഡി സതീശന്‍
