കോഴിക്കോട്: കോഴിക്കോട് നഗരത്തില്‍ ഇന്നലെ പെയ്ത മഴയില്‍ നഗരത്തിലെ മിക്ക പ്രദേശങ്ങളും വെള്ളത്തിനടിയിലായി. നഗരത്തിലെ പ്രധാന റോഡുകളായ ബീച്ച് റോഡ്, കസ്റ്റംസ് റോഡ്, കണ്ണൂർ റോഡ് എന്നിവ വെള്ളത്തിൽ മുങ്ങി. പലയിടത്തും മുട്ടറ്റം വെള്ളം പൊങ്ങിയത് യാത്രക്കാർക്ക് ദുരിതമായി. മഴയുടെ തുടക്കത്തിൽ തന്നെ റോഡിന്‍റെ സ്ഥിതി ഇതാണെങ്കില്‍ വരും ദിവസങ്ങളിൽ എന്താകുമെന്നാണ് നാട്ടുകാരുടെ ചോദ്യം. മഴക്ക് മുൻപ് തന്നെ നഗരസഭ ഓടകൾ വൃത്തിയാക്കിയിരുന്നെങ്കിലും മഴ വെള്ളം ഒലിച്ച് പോകുന്നില്ലെന്ന് നാട്ടുകാര്‍ ആരോപിക്കുന്നു.
പെരുമഴയില്‍ കോഴിക്കോട് നഗരം വെള്ളത്തനടിയിലായി
