കോഴിക്കോട് : ജില്ലയുടെ കിഴക്കൻ മേഖലയിലും മലയോരത്തും കനത്ത മഴ. കുറ്റ്യാടി പൂതംപാറ പരപ്പുപാലത്തിന് സമീപം മലയിൽ ഉരുൾ പൊട്ടി. മലഞ്ചെരിവിലുള്ള പ്രദേശങ്ങളിൽ രണ്ടിടത്ത് മണ്ണിടിച്ചിലുണ്ടായി. മലവെള്ളപ്പാച്ചിലിൽ അടിവാരം ടൗണിൽ വെള്ളം പൊങ്ങി. നഗരത്തിലെ പല കടകളിലും വെള്ളം കയറി.
കുറ്റ്യാടി, മരുതോംകര, കായക്കൊടി, കാവിലുംപാറ പ്രദേശങ്ങളിലെ താഴ്ന്ന ഇടങ്ങളും വെള്ളത്തിനടിയിലായി.അതേസമയം, കോഴിക്കോട് നഗരത്തിലും കുറ്റ്യാടി മേഖലയിലും ശക്തമായ മഴയാണ് പെയ്യുന്നത്. നഗരത്തിലും മലയോര മേഖലകളിലും വളരെ ചെറിയ സമയം കൊണ്ട് വെള്ളം പൊങ്ങുന്നുണ്ട്.
കോഴിക്കോട് ജില്ലയിൽ കനത്ത മഴ; രണ്ടിടത്ത് മണ്ണിടിച്ചിൽ, ഉരുൾ പൊട്ടൽ
