കോഴിക്കോട്: മനുഷ്യൻ ചന്ദ്രനിൽ ഇറങ്ങിയതിന്റെ 50 -ാം വാർഷികം ആഘോഷിക്കുന്നതിന്റെ ഭാഗമായി കോഴിക്കോട് മേഖല ശാസ്ത്ര കേന്ദ്രം എക്സിബിഷൻ സംഘടിപ്പിക്കുന്നു. ആദ്യമായി ചന്ദ്ര ദൗത്യത്തിനെത്തിയ നീൽ ആംസ്ട്രോംഗ്, എഡ്വിൻ ആൽഡ്രിൻ, മൈക്കിൾ കോളിൻസ് എന്നിവരുടെ യാത്ര വിവരണം അടക്കമാണ് എക്സിബിഷൻ. കൂടാതെ കഴിഞ്ഞ 50 വർഷത്തിനിടെ മനുഷ്യൻ ചന്ദ്രനെ അറിയാൻ നടത്തിയ പരീക്ഷണങ്ങളും പൊതുജനങ്ങൾക്കായി വിവരിക്കുന്നു. കൗതുകത്തോടെ കുട്ടികൾ എക്സിബിഷൻ കാണാൻ എത്തുന്നതായി മേഖല ശാസ്ത്ര കേന്ദ്രം ടെക്നിക്കൽ അസിസ്റ്റന്റ് ജസ്റ്റിൻ ജോസഫ് പറഞ്ഞു. എക്സിബിഷൻ ഓഗസ്റ്റ് അവസാനം വരെ തുടരും.
എക്സിബിഷനുമായി ശാസ്ത്ര കേന്ദ്രം
