സി​സ്​​റ്റ​ർ ലി​നി​യു​ടെ ഓ​ർ​മ​ക​ൾ​ക്ക് ഇന്നേക്ക് മൂ​ന്നാ​ണ്ട്

രോഗിയുമായി സമ്പർക്കത്തിൽ വന്നതിനെ തുടർന്ന് രോഗബാധിതയായ സിസ്റ്റർ ലിനി ഭർ​ത്താ​വ് സ​ജീ​ഷി​നെ​ഴു​തി​യ കു​റി​പ്പ് കേ​ര​ള​ക്ക​ര​യു​ടെ കണ്ണിൽ ഈറനണിയിച്ചു.

കോ​ഴി​ക്കോ​ട്: നി​പ​യോ​ട് പോ​രാ​ടി മ​രി​ച്ച സി​സ്​​റ്റ​ർ ലി​നി​യു​ടെ ഓ​ർ​മ​ക​ൾ​ക്ക് മൂ​ന്നാ​ണ്ട്. നിപയോട് പോരാടി 2018 മെയ് 21നാണ് സിസ്റ്റർ ലിനി മരണത്തിന് കീഴടങ്ങിയത്. പേരാമ്പ്രയിൽ പടർന്ന ഒരു അപൂർവ രോഗത്തിൻ്റെ കഥ നാട്ടിലാകെ ചർച്ചയായ ദിവസങ്ങൾ.

ഓരോരുത്തരായി മരണത്തിന് കീഴടങ്ങിയപ്പോൾ നാടും നഗരവും നടുങ്ങി.ആരോഗ്യമന്ത്രിയായിരുന്ന കെ കെ ശൈലജ കോഴിക്കോട് ക്യാമ്പ് ചെയ്‌തു. കോ​ഴി​ക്കോ​ട് ച​ങ്ങ​രോ​ത്ത് സൂ​പ്പി​ക്ക​ട​യി​ൽ സാ​ബി​ത്ത് എ​ന്ന യു​വാ​വി​ന്‍റെ മ​ര​ണ ശേ​ഷ​മാ​ണ്​ രോ​ഗം നി​പ​യാ​ണെ​ന്ന് തിരിച്ചറിഞ്ഞ​ത്.

ബേ​ബി മെ​മ്മോ​റി​യ​ലി​ൽ​ നി​ന്ന​യ​ച്ച സ്ര​വ സാ​മ്പി​ളു​ക​ൾ നി​പ ല​ക്ഷ​ണ​ങ്ങ​ളു​ള്ള​താ​ണെ​ന്ന് മ​ണി​പ്പാ​ൽ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ൽ​ നി​ന്ന് മെ​യ് 19ന് ​വി​വ​രം ല​ഭി​ച്ചു. പു​ണെ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ലെ ഫ​ലം വ​ന്ന​ത് മെ​യ് 20ന്. ​ഔദ്യോ​ഗി​ക​മാ​യി നി​പ സ്ഥി​രീ​ക​രി​ക്കു​ന്ന​ത് അ​ന്നാ​ണ്.

പേ​രാ​മ്പ്ര താ​ലൂ​ക്ക്‌ ആശു​പ​ത്രി​യി​ലെ ന​ഴ്സാ​യ ലി​നി​ക്ക് അ​പ്പോ​ഴേ​ക്കും രോ​ഗം പ​ക​ർ​ന്നി​രു​ന്നു. സാ​ബി​ത്തി​ൽ ​നി​ന്നാ​യി​രു​ന്നു ലി​നി​ക്ക് അ​സു​ഖം പ​ട​ർ​ന്ന​ത്. രോ​ഗ​ത്തി​ൻ്റെ ഗു​രു​ത​രാ​വ​സ്ഥ മ​ന​സിലാ​ക്കി​യ ലി​നി മ​ക്ക​ളെ ന​ന്നാ​യി നോ​ക്ക​ണ​മെ​ന്ന് പ​റ​ഞ്ഞ് ഭ​ർ​ത്താ​വ് സ​ജീ​ഷി​നെ​ഴു​തി​യ കു​റി​പ്പ് കേ​ര​ള​ക്ക​ര​യു​ടെ കണ്ണിൽ ഈറനണിയിച്ചു. മേ​യ് 21ന് ​ലി​നി നി​പ​ക്ക് കീ​ഴ​ട​ങ്ങി.

ലിനിയുടെ മരണം അന്ന് വരെ കാണാത്ത സങ്കടക്കടലായി. ആതുരാലയ രംഗത്തുള്ളവർ ലിനിയുടെ പേരിൽ ഏറെ ആദരിക്കപ്പെട്ടു. സ്വന്തം ജീവിതം മറന്ന് ഓരോ തരം രോഗിയേയും പരിചരിക്കുന്നവരുടെ ലോകത്ത് ലിനിയുടെ ഓർമകൾക്ക് മരണമില്ല. ഇ​ന്ത്യ​യു​ടെ ഹീ​റോ എ​ന്ന് ലോ​ക മാ​ധ്യ​മ​ങ്ങ​ൾ വി​ശേ​ഷി​പ്പി​ച്ച സി​സ്​​റ്റ​ർ ലി​നി തന്നെയാണ് എന്നും യഥാർഥ ഹീറോ.