കോട്ടയം: മുത്തൂറ്റ് ഫിനാന്‍സിലെ സമരം ഒത്തുതീര്‍പ്പാക്കണമെന്നാവശ്യപ്പെട്ട് സമര സഹായ സമിതിയുടെ കോട്ടയം റീജ്യണൽ ഓഫിസിലേക്ക് സി.ഐ.ടി.യു മാർച്ച് നടത്തി. അകാരണമായ പിരിച്ച് വിടലിനെതിരെ മുത്തൂറ്റ് ഫിനാന്‍സ് ജീവനക്കാര്‍ സമരം നടത്തുന്നത്.
തിരുനക്കര മോട്ടോർ തൊഴിലാളി യൂണിയൻ ഓഫിസിന് മുമ്പിൽ നിന്നാരംഭിച്ച മാർച്ച്, റീജിയണൽ ഓഫിസിന് മുമ്പിൽ നടന്ന യോഗം തുടങ്ങിയവ സി.ഐ.ടി.യു ദേശീയ ജനറൽ കൗൺസിൽ അംഗം വിഎൻ വാസവൻ ഉദ്ഘാടനം ചെയ്തു. പണിമുടക്ക് ഒത്തുതീർപ്പ് വ്യവസ്ഥകൾ പാലിക്കാൻ മാനേജ്മെന്‍റ് തയ്യാറാകാത്തത് നിയമ വ്യവസ്ഥയോടും തൊഴിലാളികളോടുമുള്ള വെല്ലുവിളിയാണെന്ന് വാസവൻ പറഞ്ഞു.
മുത്തൂറ്റ് ജീവനക്കാരുടെ സമരം ഒത്ത് തീർപ്പാക്കണമെന്ന് ആവശ്യപ്പെട്ട് സി .ഐ.ടി.യു മാർച്ച് സംഘടിപ്പിച്ചു
