കോട്ടയത്തെ കൊവിഡ് പ്രാഥമിക ചികിത്സ കേന്ദ്രങ്ങൾക്കായി 1.22 കോടി

കൊവിഡ് പ്രാഥമിക ചികിത്സ കേന്ദ്രങ്ങളുടെ പ്രവർത്തനങ്ങൾക്കായി മുനിസിപ്പാലിറ്റികൾക്കും ബ്ലോക്കുകൾക്കും അഞ്ച് ലക്ഷം രൂപ വീതവും ഗ്രാമ പഞ്ചായത്തുകൾക്ക് മൂന്ന് ലക്ഷം രൂപ വീതവും അനുവദിച്ചു.

കോട്ടയം: കൊവിഡ് പ്രാഥമിക ചികിത്സ കേന്ദ്രങ്ങളുടെ പ്രവർത്തനങ്ങൾക്കായി 34 തദ്ദേശ സ്ഥാപനങ്ങൾക്ക് കോട്ടയം ജില്ല ദുരന്ത നിവാരണ അതോറിറ്റി 1.22 കോടി രൂപ മുന്‍കൂര്‍ ഫണ്ട് അനുവദിച്ചു. മുനിസിപ്പാലിറ്റികൾക്കും ബ്ലോക്കുകൾക്കും അഞ്ച് ലക്ഷം രൂപ വീതവും ഗ്രാമ പഞ്ചായത്തുകൾക്ക് മൂന്ന് ലക്ഷം രൂപ വീതവുമാണ് നീക്കിവച്ചത്.

എല്ലാ മുനിസിപ്പാലിറ്റികൾക്കും ഉഴവൂർ, കാഞ്ഞിരപ്പള്ളി, പള്ളം, ഏറ്റുമാനൂർ ബ്ലോക്കുകൾക്കുമായി 50 ലക്ഷം രൂപയും 24 ഗ്രാമ പഞ്ചായത്തുകൾക്കായി 72 ലക്ഷം രൂപയും ലഭ്യമാക്കാൻ നടപടിയായി.