കോട്ടയം: സിഎംഎസ് കോളജിനെ കുറിച്ചുള്ള ചിത്രപ്രദർശനം ശ്രദ്ധയാകർഷിക്കുന്നു. സി.എം.എസ് കോളജിനെ വിഷയമാക്കി വിവിധ ചിത്രകാരൻമാർ വരച്ച ചിത്രങ്ങളാണ് പ്രദർശനത്തിലുള്ളത്. കോട്ടയം പബ്ളിക് ലൈബ്രറി ആർട്ട് ഗാലറി, കേരള ലളിതകലാ അക്കാദമി കോട്ടയം ആർട്ട് ഗാലറി എന്നിവിടങ്ങളിൽ നടക്കുന്ന പ്രദർശനം ചലച്ചിത്ര സംവിധായകൻ ജയരാജ് ഉദ്ഘാടനം ചെയ്‌തു. ഹ്യൂസ് ഓഫ് ടൈം എന്ന് പേരിട്ടിരിക്കുന്ന ചിത്രപ്രദശനം ഡിസംബർ 11 വരെ തുടരും.
സി.എം.എസ് കോളജ് കാമ്പസിൽ സംഘടിപ്പിച്ച വിവിധ ചിത്രകലാ ക്യാമ്പുകളിൽ രൂപപ്പെട്ട ചിത്രങ്ങളാണ് പ്രദർശിപ്പിക്കുന്നത്. കോളജ് കാമ്പസും കോളജുമായി ബന്ധപ്പെട്ട സംഭവങ്ങളുമാണ് ചിത്രരചനയുടെ പ്രധാന വിഷയം. അക്രലിക്, വാട്ടർ കളർ വിഭാഗങ്ങളിലുള്ള ചിത്രങ്ങൾ പ്രദർശനത്തിനുണ്ട്. കോളജ് മ്യൂസിയം ആർട്ട് ഗാലറിയിലെ ശേഖരത്തിൽ നിന്നുള്ള നൂറോളം ചിത്രങ്ങളും പ്രദർശനത്തിനെത്തിച്ചിട്ടുണ്ട്.
പല ചിത്രകാരന്മാർക്കും സ്വന്തമായി പ്രദർശനം സംഘടിപ്പിക്കാൻ പ്രായോഗിക ബുദ്ധിമുട്ട് നേരിടുന്ന സമയത്ത് ചിത്രകാരന്മാർക്ക് ഇത്തരമൊരു വേദി ഒരുക്കാമെന്ന് സിഎംഎസ് കോളജ് അധികൃതർ ഉറപ്പ് നൽകിയിരുന്നു. അതിന്‍റെ പൂർത്തീകരണം കൂടിയാണ് ഈ ചിത്ര പ്രദർശനത്തിലൂടെ സാധ്യമായതെന്ന് ചിത്രകാരി പുഷ്‌പ പറഞ്ഞു.
Also Read: KAS pay scale: പ്രതിഷേധം തള്ളി സര്‍ക്കാര്‍; കെഎസ്എസ് അടിസ്ഥാന ശമ്പളം കുറയ്ക്കില്ല
