ആരാധനാലയങ്ങൾ തുറക്കണമെന്ന് മലങ്കര ഓർത്തഡോക്‌സ് സുറിയാനി സഭ

കൊവിഡ് മാനദണ്ഡങ്ങൾ പൂർണമായി പാലിച്ചുകൊണ്ട് ആരാധനാലയങ്ങൾ തുറക്കാൻ അനുമതി നൽകണമെന്ന് സർക്കാരിനോട് സഭ ആവശ്യപ്പെട്ടു.

കോട്ടയം: ആരാധനാലയങ്ങൾ തുറക്കാൻ അനുമതി നൽകണമെന്ന് മലങ്കര ഓർത്തഡോക്‌സ് സുറിയാനി സഭ. കൊവിഡ് മാനദണ്ഡങ്ങൾ പൂർണമായി പാലിച്ചുകൊണ്ട് ആരാധനാലയങ്ങൾ തുറക്കാൻ അനുമതി നൽകണമെന്ന് മലങ്കര ഓർത്തഡോക്‌സ് സുറിയാനി സഭ സർക്കാരിനോട് ആവശ്യപ്പെട്ടു. ടിപിആർ അടിസ്ഥാനത്തിൽ ലോക്ക്‌ഡൗണിൽ ഇളവുകൾ പ്രഖ്യാപിച്ച സാഹചര്യത്തിലാണ് ആരാധനാലയങ്ങൾ തുറക്കണമെന്ന ആവശ്യം ഉന്നയിച്ചത്.

ജാതി-മത ഭേദമന്യേ കുട്ടികൾക്ക് പഠനോപകരണങ്ങൾ അടക്കം എത്തിക്കുന്ന ജീവകാരുണ്യ പ്രവർത്തനങ്ങൾ ഏകോപിക്കുവാനും കൊവിഡ് കാലത്ത് വിശ്വാസികളുടെ മാനസിക സംഘർഷങ്ങൾ കുറക്കുവാനും ആരാധാനാലയങ്ങൾ തുറക്കുന്നതിലൂടെ സാധിക്കുമെന്നും സഭാ അസോസിയേഷൻ സെക്രട്ടറി അഡ്വ.ബിജു ഉമ്മൻ പറഞ്ഞു.