കോട്ടയം: പൗരത്വ നിയമത്തിനെതിരായി കോട്ടയത്ത് മഹല്ലുകളുടെ പ്രതിഷേധം. പൗരാവകാശ സംരക്ഷണ സമിതിയാണ് പ്രതിഷേധത്തിന് നേതൃത്വം നൽകിയത്. വ്യാഴാഴ്ച വൈകിട്ട് 3.30ഒടെ നാഗമ്പടം നെഹ്റു സ്റ്റേഡിയത്തിൽ നിന്നും ആരംഭിച്ച പ്രതിഷേധ മാർച്ചിൽ ജില്ലയിലെ 500 മഹല്ല് മുസ്ലിം ജമാഅത്തുകളിൽ നിന്നായി 10,000ൽ അധികം ആളുകൾ പങ്കെടുത്തു.
തുടർന്ന് തിരുനക്കര മൈതാനിയിൽ നടന്ന പൊതുസമ്മേളനം ജസ്റ്റിസ് ബി. കെമാൽ പാഷ ഉദ്ഘാടനം ചെയ്തു. പൗരത്വ ഭേദഗതി നിയമം നടപ്പാക്കണമെന്നാവശ്യപ്പെടുന്നവരുടെ ഉദ്ദേശം മറ്റു പലതും ആണന്നും നിലവില്‍ നിയമത്തിന്റെ പരിരക്ഷ ലഭിച്ചിരിക്കുന്നവർക്ക് അത് ലഭിക്കുകയില്ലന്നും അദ്ദേഹം പറഞ്ഞു. സാമൂഹിക രാഷ്ട്രീയ സാംസ്കാരിക മത പണ്ഡിതർ ഉൾപ്പടെ നിരവധി പ്രമുഖർ കോട്ടയത്ത് നടന്ന പ്രതിഷേധ പരിപാടിയിൽ സംസാരിച്ചു.
ദേശീയ പൗരത്വ നിയമത്തിനെതിരായി മുസ്ലീം മഹല്ലുകളുടെ പ്രതിഷേധം
