കോട്ടയം : ഏറ്റുമാനൂര്‍ മീനച്ചിലാറ്റില്‍ കുളിക്കാനിറങ്ങിയ യുവാവ് മുങ്ങി മരിച്ചു. വൈക്കം കുടവെച്ചൂര്‍ കോയിപ്പറമ്പില്‍ ജോമോന്‍ (37) ആണ് മരിച്ചത്. കെട്ടിടനിര്‍മാണ ജോലികള്‍ക്കായി എത്തി പായിക്കാട് കവലയിലെ കെട്ടിടത്തില്‍ വാടകയ്ക്ക് താമസിച്ച് വരികയായിരുന്നു ജോമോൻ.
Also Read: അമ്മ മകളെ കഴുത്തുഞെരിച്ച് കൊലപ്പെടുത്തി
ശനിയാഴ്‌ച വൈകിട്ട് നാല് മണിയോടെയാണ് പുഴയിലിറങ്ങിയ ജോമോനെ കാണാതായത്. കോട്ടയത്ത് നിന്നെത്തിയ ഫയര്‍ ഫോഴ്‌സ് സംഘവും നാട്ടുകാരും ചേര്‍ന്ന് നടത്തിയ തെരച്ചിലിനൊടുവിൽ ഒന്നര മണിക്കൂറിന് ശേഷമാണ് മൃതദേഹം കണ്ടെത്തിയത്.
ഏറ്റുമാനൂര്‍ പൊലീസ് മേല്‍നടപടികള്‍ക്കുശേഷം മൃതദേഹം കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി.
