Kottayam Accident Death: കോട്ടയത്ത് ഓട്ടോറിക്ഷയും കാറും കൂട്ടിയിടിച്ച് ഓട്ടോ ഡ്രൈവർ മരിച്ചു

Kottayam Accident auto driver died :ചങ്ങനാശ്ശേരി വെട്ടിത്തുരുത്ത് പടിഞ്ഞാറേ പറമ്പിൽ സജു (45 ) ആണ് മരിച്ചത്.

കോട്ടയം: Autorickshaw driver killed in road accident: സംക്രാന്തിയിൽ ഓട്ടോറിക്ഷയും കാറും കൂട്ടിയിടിച്ച് ഓട്ടോ ഡ്രൈവർ മരിച്ചു. ചങ്ങനാശ്ശേരി വെട്ടിത്തുരുത്ത് പടിഞ്ഞാറേ പറമ്പിൽ സജു (45 ) ആണ് മരിച്ചത്. ഞായറാഴ്ച്ച രാത്രിയോടെയായിരുന്നു അപകടം.

അപകടത്തിൽ ഓട്ടോറിക്ഷയുടെ മുൻഭാഗം പൂർണമായും തകർന്നു. സജു മക്കള്‍ക്കൊപ്പം ഏറ്റുമാനൂരിൽ നിന്ന് കോട്ടയം ഭാഗത്തേക്ക് പോകുമ്പോഴായിരുന്നു അപകടം.

ഗുരുതരമായി പരിക്കേറ്റ സജുവിനെ കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മക്കൾ നിസാര പരിക്കുകളോടെ രക്ഷപ്പെട്ടു.