കെവിൻ വധം കരുതിക്കൂട്ടിയുള്ള കൊലപാതകമെന്നും കേസിൽ വലിയ ഗൂഢാലോചന നടന്നിട്ടുണ്ടെന്നും പ്രോസിക്യൂഷൻ കോടതിയിൽ വാദിച്ചു. കൃത്യമായ തെളിവുകൾ കൈവശമുണ്ടെന്നും കോട്ടയം അഡീഷണൽ സെഷൻസ് കോടതിയിൽ നടന്ന പ്രാഥമിക വാദത്തിൽ പ്രോസിക്യൂഷൻ ഉന്നയിച്ചു. കൊലപ്പെടുത്തുക എന്ന ഉദ്യേശത്തോടെയാണ് കെവിനെ തട്ടിക്കൊണ്ടുപോയതെന്നാണ് പ്രോസിക്യൂഷൻ കോടതിയെ അറിയിച്ചത്. ഇതിനായി വലിയ രീതിയിലുള്ള ഗൂഢാലോചന നടന്നിട്ടുണ്ടെന്നും അതിനുള്ള തെളിവുകൾ കുറ്റപത്രത്തോടൊപ്പം സമർപ്പിച്ചിട്ടുണ്ടെന്നും വാദത്തിന്‍റെ ആരംഭത്തിൽതന്നെ പ്രോസിക്യൂഷൻ കോടതിയെ ബോധിപ്പിച്ചു. കൊലപ്പെടുത്തുക എന്ന ഉദ്യേശത്തോടെ മർദ്ദിച്ച് അവശനാക്കി കെവിനെ പുഴയിൽ ചാടിച്ചു എന്നാണ് പ്രോസിക്യൂഷൻ വ്യക്തമാക്കിയത്.
കെവിൻ വധം
