കോട്ടയം : കോട്ടയം നഗരത്തിൽ കെട്ടിടത്തിന് തീപിടിച്ചു. എംഎൽ റോഡിൽ ബെവ്റേജസ് കോർപറേഷന്‍ ഔട്ട് ലെറ്റിന് എതിർവശത്തെ ഗോഡൗണിനാണ് തീപിടിച്ചത്. ബുധനാഴ്‌ച (03-07-22) പുലർച്ചെ 1.15 നായിരുന്നു സംഭവം.
ഷോട്ട് സെര്‍ക്യൂട്ടാണെന്നാണ് പ്രഥമിക നിഗമനം. തീ ആളിക്കത്തിയതോടെ കെട്ടിടത്തിൽ ഉണ്ടായിരുന്ന സ്റ്റേഷനറി സാധനങ്ങളിൽ ഏറിയ പങ്കും കത്തി നശിച്ചു. അഗ്നിരക്ഷാസേനയുടെ 4 യൂണിറ്റുകൾ എത്തി ഷട്ടറുകൾ തകർത്ത് അകത്തുകയറാൻ ശ്രമിച്ചെങ്കിലും തീ ആളിപ്പടർന്നതിനാൽ സാധിച്ചില്ല.
കോട്ടയത്ത് ഗോഡൗണില്‍ തീ പിടിത്തം
തുടർന്ന് പുറത്തുനിന്ന് വെള്ളം അകത്തേക്ക് ഒഴിച്ച് തീ അണയ്ക്കുകയായിരുന്നു. രണ്ടുമണിയോടെ ഭാഗികമായി തീയണച്ചു. മാങ്ങാനത്ത് താമസിക്കുന്ന ഈരയിൽക്കടവ് സ്വദേശി സുനിൽ വാടകയ്ക്ക് എടുത്ത് ഗോഡൗണായി ഉപയോഗിച്ചിരുന്ന കെട്ടിടത്തിലാണ് അഗ്‌നിബാധയുണ്ടായത്. സംഭവത്തില്‍ കോട്ടയം ഈസ്റ്റ് പൊലീസ് അന്വേഷണം ആരംഭിച്ചു.
