കോട്ടയം: കൊവിഡ് വ്യാപനത്തിന്‍റെ പശ്ചാത്തലത്തില്‍ ഈരാറ്റുപേട്ട നഗരസഭയില്‍ കടകള്‍ അടച്ചിടണമെന്ന നിര്‍ദേശത്തിനെതിരെ പ്രതിഷേധമുയരുന്നു.നഗരസഭയില്‍ 10 ദിവസത്തില്‍ അധികമായി ഏര്‍പ്പെടുത്തിയിരിക്കുന്ന സമ്പൂര്‍ണ അടച്ചിടല്‍ അവസാനിപ്പിക്കണമെന്നും കടകള്‍ തുറക്കാന്‍ അനുവദിക്കണമെന്നും ആവശ്യപ്പെട്ട് വ്യാപാരി വ്യവസായി ഏകോപന സമിതി നാല് കേന്ദ്രങ്ങളില്‍ സമരം നടത്തി. കുരിക്കള്‍ നഗര്‍, നടക്കല്‍, കടുവാമുഴി, തെക്കേക്കര തുടങ്ങി നാല് കേന്ദ്രങ്ങളിലായിരുന്നു സത്യാഗ്രഹ സമരം.നൈനാര്‍ പള്ളി ജമാഅത്ത് കമ്മറ്റി ഏകദിന സത്യാഗ്രഹത്തിന് പിന്തുണ പ്രഖ്യാപിച്ച് പള്ളിയ്ക്ക് മുന്നില്‍ പ്രതിഷേധ സംഗമവും നടത്തി.
കടകള്‍ തുറക്കാന്‍ അനുവദിക്കണമെന്നു ആവശ്യപ്പെട്ട് സത്യാഗ്രഹം
