കോട്ടയം: എഐഎസ്എഫ് പ്രവർത്തകർക്ക് നേരെ അക്രമം നടത്തിയ സംഭവത്തിലെ മുഖ്യ ആസൂത്രകൻ വിദ്യാഭ്യാസ മന്ത്രിയുടെ പേഴ്‌സണൽ സ്റ്റാഫ് അംഗം കെ.എം അരുൺ ആണെന്ന് എ.ഐ.എസ്.എഫ് ആരോപിച്ചു. വ്യാഴാഴ്‌ച നടന്ന എം.ജി സർവകലാശാല സെനറ്റ് തെരഞ്ഞെടുപ്പിനിടെയാണ് എസ്എഫ്ഐ - എഐഎസ്എഫ് സംഘർഷമുണ്ടാകുന്നത്.
എംജി സംഘർഷം: നേതൃത്വം നൽകിയത് വിദ്യാഭ്യാസ മന്ത്രിയുടെ പേഴ്‌സണൽ സ്റ്റാഫ് അംഗമെന്ന് എഐഎസ്എഫ്
ഇത്തരം അക്രമ സംഭവങ്ങളിൽ നിന്ന് എസ്എഫ്ഐ പിന്മാറണമെന്നും അല്ലാത്ത പക്ഷം ശക്തമായി പ്രതിരോധിക്കുമെന്നും എഐഎസ്എഫ് സംസ്ഥാന പ്രസിഡന്‍റ് പി. കബീർ പറഞ്ഞു. സംഘപരിവാർ മനസുള്ള ക്രിമിനലുകൾ കോട്ടയത്തെ എസ്എഫ്ഐയിൽ കയറിക്കൂടിയിട്ടുണ്ട്. ഇവരെ നിലക്ക് നിർത്തണം. യാതൊരു പ്രകോപനവുമില്ലാതെയായിരുന്നു മർദ്ദനമെന്നും പി.കബീർ പറഞ്ഞു.
