കെബി ഗണേഷ് കുമാറിന്‍റെ കോലം കത്തിച്ച് യൂത്ത് കോൺഗ്രസ് പ്രതിഷേധം

കുടുംബപരമായി പതിറ്റാണ്ടുകൾകൊണ്ട് അധികാരം ആസ്വദിക്കുന്ന ഗണേഷ്കുമാറിന് ജനങ്ങളെയും യുവാക്കളെയും പുച്ഛമാണെന്ന് യൂത്ത് കോൺഗ്രസ് സംസ്ഥാന സെക്രട്ടറി അഡ്വ. വിഷ്ണു സുനിൽ പന്തളം

കൊല്ലം: പത്തനാപുരത്ത് യൂത്ത് കോൺഗ്രസ് പ്രവർത്തകരെ ശാരീരികമായി ആക്രമിച്ച കെ.ബി ഗണേഷ്കുമാർ എം.എൽ.എയ്ക്ക് മദം പൊട്ടിയതായി യൂത്ത് കോൺഗ്രസ്. എം.എൽ.എയുടെ നടപടിക്കെതിരെ കോലം കത്തിച്ച് യൂത്ത് കോൺഗ്രസ് പ്രതിഷേധിച്ചു.

കുടുംബപരമായി പതിറ്റാണ്ടുകൾകൊണ്ട് അധികാരം ആസ്വദിക്കുന്ന ഗണേഷ്കുമാറിന് ജനങ്ങളെയും യുവാക്കളെയും പുച്ഛമാണ്. എന്നും എം.എൽ.എ ആയി തുടരുമെന്ന ഗണേഷ്കുമാറിന്‍റെ ഹുങ്കിന് വിരാമമായെന്നും പ്രതിഷേധം ഉദ്ഘാടനം ചെയ്തുകൊണ്ട് യൂത്ത് കോൺഗ്രസ് സംസ്ഥാന സെക്രട്ടറി അഡ്വ. വിഷ്ണു സുനിൽ പന്തളം പറഞ്ഞു.