കൊല്ലം: പത്തനാപുരം തലവൂരിലെ ആയുര്‍വേദ ആശുപത്രിയിലേക്ക് യൂത്ത് കോണ്‍ഗ്രസും യുവമോര്‍ച്ചയും നടത്തിയ മാര്‍ച്ചില്‍ സംഘര്‍ഷം. രണ്ട് മാസം മുമ്പ് ഉദ്ഘാടനം ചെയ്ത ആയുര്‍വേദ ആശുപത്രിയുടെ മേല്‍ക്കൂര തകര്‍ന്ന് വീണ സംഭവത്തില്‍ പ്രതിഷേധിച്ചായിരുന്നു മാര്‍ച്ച്. ആശുപത്രി നിര്‍മാണത്തില്‍ കോടികളുടെ തട്ടിപ്പ് നടന്നിട്ടുണ്ടെന്നും വിഷയത്തില്‍ സമഗ്രമായ അന്വേഷണം നടത്തണമെന്നും പ്രതിഷേധക്കാര്‍ ആവശ്യപ്പെട്ടു.
ആശുപത്രിക്കെട്ടിടം തകർന്നതില്‍ പ്രതിഷേധവുമായി യൂത്ത് കോണ്‍ഗ്രസും യുവമോര്‍ച്ചയും
നിര്‍മാണ തട്ടിപ്പില്‍ കെ.ബി ഗണേഷ്‌കുമാര്‍ എം.എല്‍.എയുടെ പങ്ക് എന്താണെന്ന് അന്വേഷിക്കണമെന്നും പ്രതിഷേധക്കാര്‍ പറഞ്ഞു. പ്രതിഷേധിച്ചെത്തിയവരെ ആശുപത്രിക്ക് മുന്നില്‍ പൊലീസ് തടഞ്ഞതോടെയാണ് സംഘര്‍ഷമുണ്ടായത്. തുടര്‍ന്ന് പ്രവര്‍ത്തകരെ പൊലീസ് അറസ്റ്റ് ചെയ്ത് നീക്കി.
