കൊല്ലം: ദേശീയ സീനിയര് വനിതാ ഹോക്കി ചാമ്പ്യന്ഷിപ്പിലെ ടൂര്ണമെന്റിന്റെ എ ഡിവിഷന് മത്സരങ്ങള്ക്ക് ഇന്ന് തുടക്കമാകും. മധ്യപ്രദേശും ഭോപ്പാലും തമ്മിലാണ് ഉദ്ഘാടനമത്സരം. ആദ്യദിനത്തിൽ കേരളം ഒഡീഷയെ നേരിടും. ബെംഗളൂരിൽ പരിശീലനം പൂർത്തിയാക്കിയ കേരള ടീം രാവിലെ കൊല്ലത്ത് എത്തി.
കൊല്ലത്തെത്തിയ കേരളാ സംഘത്തെ കേരളാ ഹോക്കി അസോസിയേഷൻ ഭാരവാഹികൾ ചേർന്ന് സ്വീകരിച്ചു. കൊല്ലം സായി, തൃശ്ശൂർ സെന്റ് മേരീസ് കോളജ്, പത്തനംത്തിട്ട മാർത്തോമ കോളജ്, ആലുവ യു.സി കോളജ് എന്നിവിടങ്ങളിൽ നിന്നുള്ള താരങ്ങളാണ് കേരളത്തിനായി പോരാടുന്നത്. ടൂർണമെന്റിന് മുന്നോടിയായി ബെംഗളുരു 'സായി'യിൽ പുതിയ കോച്ച് ശങ്കർ ടോൾമാട്ടിയുടെ ശിക്ഷണത്തിലായിരുന്നു താരങ്ങൾ കോച്ചിങ് നടത്തിയത്. കഴിഞ്ഞ വർഷം ഹരിയാനയിൽ പഞ്ചാബിനോട് അടിയറവ് പറഞ്ഞ് മടങ്ങിയ കേരളത്തിന് എട്ടാം സ്ഥാനം കൊണ്ട് തൃപ്തിപ്പെടേണ്ടി വന്നിരുന്നു.