കൊല്ലം: കൊട്ടാരക്കരയില്‍ കാര്‍ കലുങ്കില്‍ ഇടിച്ചുണ്ടായ അപകടത്തില്‍ മൂന്ന് പേര്‍ക്ക് പരിക്കേറ്റു. ഒരാളുടെ നില ഗുരുതരം. കുന്നത്തൂർ സ്വദേശികളായ ജോൺസൺ, അലക്സാണ്ടർ, ഓമന എന്നിവർക്കാണ് പരിക്കേറ്റത്.
കാറിന്‍റെ പിന്‍ സീറ്റിലിരുന്ന ഓമനക്കാണ് ഗുരുതരമായി പരിക്കേറ്റത്. കഴിഞ്ഞ ദിവസം രാവിലെയാണ് സംഭവം. നെടുവത്തൂര്‍ ഭാഗത്ത് നിന്ന് ആനക്കോട്ടൂര്‍ കുന്നത്തൂരിലേക്ക് പോകുന്ന കാര്‍ പാതയോരത്തെ കലുങ്കില്‍ ഇടിച്ച് എതിര്‍ ദിശയിലേക്ക് മാറുകയായിരുന്നു.
കലുങ്കിന് ചേര്‍ന്ന് ആഴമുള്ള തോട് ഉണ്ടായിരുന്നെങ്കിലും അവിടേക്ക് കാര്‍ മറിയാതിരുന്നത് വലിയ അപകടം ഒഴിവായി. പരിക്കേറ്റ മൂവരെയും കൊട്ടാരക്കര താലൂക്കാശുപത്രിയില്‍ പ്രവേശിപ്പിച്ചു.
also read:ഓടിക്കൊണ്ടിരുന്ന വാഹനത്തിന്‍റെ ടയര്‍ പൊട്ടി ക്രാഷ്‌ ബാരിയറില്‍ ഇടിച്ചുമറിഞ്ഞു; രണ്ട് മരണം
