കൊല്ലം: കേരള കോൺഗ്രസ്(ബി) ചെയർമാനും മുൻ മന്ത്രിയുമായ ആർ.ബാലകൃഷ്‌ണപിള്ളയെ വീണ്ടും ആശുപത്രിയിൽ പ്രവേശിപ്പിച്ചു. ഇന്നലെ വൈകിട്ടാണ് ശ്വാസതടസത്തെ തുടർന്ന് അദ്ദേഹത്തെ കൊട്ടാരക്കര വിജയാസ് ആശുപത്രിയിൽ പ്രവേശിപ്പിച്ചത്.
ആരോഗ്യസ്ഥിതി മോശമായതിനെ തുടർന്ന് അദ്ദേഹത്തെ ഐ.സി.യുവിലേക്ക് മാറ്റി. രാത്രിയോടെ ആരോഗ്യസ്ഥിതി മെച്ചപ്പെട്ടു എങ്കിലും ഇന്ന് രാവിലെ പത്ത് മണിയോടെ ആരോഗ്യനില മോശമായി. മുന്നോക്ക ക്ഷേമ കോർപ്പറേഷൻ ചെയർമാനായ ആർ.ബാലകൃഷ്‌ണപിള്ളയെ ഒരു മാസം മുൻപും ആരോഗ്യനില വിഷളായതിനെ തുടർന്ന് ആശുപത്രിയിൽ പ്രവേശിപ്പിച്ചിരുന്നു.
