കൊല്ലം ഓച്ചിറയിൽ രാജസ്ഥാന്‍ സ്വദേശിനിയായ 14-കാരിയെ തട്ടിക്കൊണ്ടുപോയ സംഭവത്തില്‍ നാല് പ്രതികള്‍ക്കെതിരെ പോക്സോ ചുമത്തി. പെണ്‍കുട്ടിയെയും മുഖ്യ പ്രതിയെയും കണ്ടെത്താന്‍കേരളാ പൊലീസ് ബംഗളൂരുപൊലീസിന്‍റെ സഹായം തേടി . പ്രതി പെൺകുട്ടിയുമായി ബംഗളൂരുവിലേക്ക് കടന്നുവെന്ന് കണ്ടെത്തിയതിനെ തുടർന്നാണ് കേരളാ പൊലീസ്ബംഗളൂരു പൊലീസിന്‍റെ സമീപിച്ചത്.
കഴിഞ്ഞ തിങ്കളാഴ്ചയാണ് പ്രതിയും സംഘവും വഴിയോരക്കച്ചവടക്കാരായ മാതാപിതാക്കളെ മർദ്ദിച്ച് അവശരാക്കി പെൺകുട്ടിയെ തട്ടിക്കൊണ്ട് പോയത്.പരാതിയുമായി സ്റ്റേഷനിലെത്തിയപ്പോൾ കേസെടുക്കാൻ തയ്യാറാകാതിരുന്ന പൊലീസ് പിന്നീട് നാട്ടുകാരുടെ പ്രതിഷേധങ്ങൾക്കൊടുവിൽ കേസെടുത്തത്.
സംഭവത്തിൽ കുപ്രസിദ്ധ ഗുണ്ടയടക്കം മൂന്ന് പേരെ അന്വേഷണ സംഘം അറസ്റ്റ് ചെയ്തിരുന്നു. കൊല്ലം എസിപിയുടെ നേതൃത്വത്തിലാണ് അന്വേഷണം പുരോഗമിക്കുന്നത്.
