വിവാഹിതയായ യുവതിയെ പീഡിപ്പിച്ച കേസിൽ യുവാവ് അറസ്റ്റിൽ

സംഭവം നടന്ന് രണ്ടു വർഷത്തിനു ശേഷം നവമാധ്യമങ്ങളിലൂടെ യുവതിയെ മോശമായി ചിത്രീകരിച്ചതോടെയാണ് യുവതി പൊലീസിൽ പരാതി നൽകിയത്.

പത്തനംതിട്ട: വിവാഹിതയായ യുവതിയെ പീഡിപ്പിച്ച കേസിൽ യുവാവ് അറസ്റ്റിൽ. കുളനട ഞെട്ടൂർ കാഞ്ഞിര മണ്ണിൽ വീട്ടിൽ സിനു രാജൻ (28) ആണ് അറസ്റ്റിലായത്. വാഹന വ്യാപാരിയായ സിനു 2018ൽ മാവേലിക്കരയിലെ വിവിധ കേന്ദ്രങ്ങളിൽ വെച്ച് പീഡിപ്പിച്ചതായി ജൂൺ മൂന്നിന് യുവതി പൊലീസിൽ പരാതി നൽകി. യുവതിയുടെ സഹോദരന്‍റെ സുഹൃത്താണ് പ്രതി. സംഭവം നടന്ന് രണ്ടു വർഷത്തിനു ശേഷം നവമാധ്യമങ്ങളിലൂടെ യുവതിയെ മോശമായി ചിത്രീകരിച്ചതോടെയാണ് യുവതി പൊലീസിൽ പരാതി നൽകിയത്. പന്തളം സി.ഐ ഇടി ബിജുവിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്.