കൊല്ലം ; സാക്ഷരതാ മിഷന്റെ ചരിത്രത്തിലെ ഏറ്റവും പ്രായം ചെന്ന പഠിതാവ് കെ. ഭാഗീരഥി അമ്മയ്ക്ക് കൊല്ലം ജില്ലാ പഞ്ചായത്തിന്റെ ആദരം. പ്രാക്കുളം തെക്കേതില്‍ നാമ്പിലഴികത്ത് നന്ദ്ധാം വീട്ടിലെത്തിയ ജില്ലാ പഞ്ചായത്ത് പ്രസിഡന്റ് സി രാധാമണി പുരസ്‌കാര സമര്‍പ്പണം നടത്തി. മാവേലി നാട് വാണീടും കാലം എന്ന പഴം പാട്ടിന്റെ ശീലുകള്‍ പാടിക്കൊണ്ടാണ് ഭാഗീരഥി അമ്മ തന്നെ കാണാനെത്തിയവരെ സ്വീകരിച്ചത്. പത്താംതരം വരെ പഠിക്കുക എന്നതാണ് ഇപ്പോള്‍ ലക്ഷ്യമെന്ന് വിശേഷങ്ങള്‍ പങ്കുവയ്ക്കുമ്പോള്‍ 105 ന്റെ നിറവിലും കെ. ഭാഗീരഥി അമ്മ പറഞ്ഞു.
അക്ഷര മുത്തശ്ശിക്ക് കൊല്ലം ജില്ലാ പഞ്ചായത്തിന്റെ ആദരം
