കാസർകോട് : ഏതെങ്കിലും തരത്തില്‍ ഏടാകൂടത്തിൽ പെടാത്തവര്‍ ഉണ്ടാവില്ല. എന്നാൽ മരത്തില്‍ ഏടാകൂടം തീര്‍ക്കുന്നത് കണ്ടിട്ടുള്ള എത്രപേർ ഉണ്ടാവും. ബുദ്ധിയും ക്ഷമയും ഉപയോഗിച്ച് തടിയിൽ തീർത്തെടുക്കുന്ന ഈ കരകൗശല വിദ്യ അത്ര എളുപ്പമല്ല. എന്നാൽ പണിയറിയാവുന്ന തച്ചന് കാര്യങ്ങള്‍ വളരെ എളുപ്പമാണ്.
കയ്യൂർ ആലന്തട്ട സ്വദേശിയും ഇലക്‌ട്രോണിക്‌സ് വിദ്യാര്‍ഥിയുമായ ഹരിപ്രസാദ് നാട്ടിലെ താരമാവുന്നതും ഈ കരകൗശല വിദ്യ വശത്താക്കിയതോടെയാണ്. മുത്തച്ഛന്‍റെ കയ്യിൽ നിന്നും കിട്ടിയ ഏടാകൂടം കണ്ടാണ് ഹരിപ്രസാദിന് ഇതിനോട് ആകർഷണം തോന്നിയത്. പിന്നീട് പരീക്ഷണം ആരംഭിച്ചു. വീടിനോട് ചേർന്നുള്ള അച്ഛന്‍റെ കാർപെന്‍റര്‍ ഷെഡിലെത്തി മരപ്പണികൾ വീക്ഷിക്കും.
ഏടാകൂടത്തിൽ പെട്ടുപോയില്ല, പകരം ഹിറ്റായി; നാട്ടിലെ താരമാണ് ഹരിപ്രസാദ്
