കാസർകോട്: ശബരിമല വിമാനത്താവള നിർമാണത്തിന് ഭൂമി ഏറ്റെടുക്കുന്നത് നടപടിക്രമങ്ങൾ പാലിച്ചുകൊണ്ടാണെന്ന് റവന്യുമന്ത്രി ഇ.ചന്ദ്രശേഖരൻ. ചെറുവള്ളി എസ്റ്റേറ്റ് ഭൂമിയുമായി ബന്ധപ്പെട്ട ബി.ജെ.പി സംസ്ഥാന പ്രസിഡന്‍റ് കെ.സുരേന്ദ്രന്‍റെ ആരോപണങ്ങൾക്ക് മറുപടി പറയുകയായിരുന്നു അദ്ദേഹം.ചെറുവള്ളി എസ്റ്റേറ്റ് ഭൂമി സർക്കാർ ഉടമസ്ഥതതയിലാണ്. ഈ ഭൂമിയിലെ ചമയങ്ങൾക്ക് മാത്രമാണ് എസ്റ്റേറ്റ് ഉടമയ്ക്ക് വില നൽകേണ്ടത്. സിവിൽ കേസ് നിലവിലുള്ളതിനാൽ കോടതി നിശ്ചയിക്കുന്ന തുക സർക്കാർ കോടതിയിൽ കെട്ടിവെയ്ക്കും. കെ.സുരേന്ദ്രന്‍റേത് അടിസ്ഥാന രഹിതമായ ആരോപണമാണെന്നു മന്ത്രി പറഞ്ഞു.
ശബരിമല വിമാനത്താവളം;ചെറുവള്ളി എസ്റ്റേറ്റ് സർക്കാർ ഉടമസ്ഥതതയിലുളളതെന്ന് റവന്യുമന്ത്രി
