കാസർകോട് 471 പേർക്ക് കൂടി കൊവിഡ് സ്ഥിരീകരിച്ചു

ഇതര സംസ്ഥാനങ്ങളിൽ നിന്നെത്തിയ 10 പേര്‍ക്കും വിദേശത്ത് നിന്നെത്തിയ എട്ട് പേർക്കും രോഗം സ്ഥിരീകരിച്ചു

കാസർകോട്: സമ്പർക്കത്തിലൂടെ 453 പേരടക്കം ജില്ലയിൽ 471 പേർക്ക് കൂടി കൊവിഡ് 19 സ്ഥിരീകരിച്ചു. ഇതര സംസ്ഥാനങ്ങളിൽ നിന്നെത്തിയ 10 പേര്‍ക്കും വിദേശത്ത് നിന്നെത്തിയ എട്ട് പേർക്കും രോഗം സ്ഥിരീകരിച്ചു. വിവിധ ചികിത്സ കേന്ദ്രങ്ങളിൽ നിന്നും 310 പേർ രോഗ മുക്തരായി. നിലവിൽ 2917 പേരാണ് ജില്ലയിൽ കൊവിഡ് ബാധിച്ച് ചികിത്സയിൽ ഉള്ളത്. ഇവരിൽ 1513 പേർ വീടുകളിലാണ്.

ചെമ്മനാട്(28), പുല്ലൂർ പെരിയ(39), മഞ്ചേശ്വരം(14), കാസർകോട്(29), മധൂർ(10), മൊഗ്രാൽ(5), ചെങ്കള(6), അജാനൂർ(63), കിനാനൂർ കരിന്തളം(11), കോടോം ബേളൂർ(14), പള്ളിക്കര(26), കള്ളാർ(4), പനത്തടി(4), കാഞ്ഞങ്ങാട്(48), ഉദുമ(12), പിലിക്കോട്(7), നീലേശ്വരം(23), എൻമകജെ(15), ബദിയടുക്ക(4), കുമ്പള(6), ചെറുവത്തൂർ(14), കയ്യൂർ ചീമേനി(5), പടന്ന(11), കുമ്പഡാജെ(1), മങ്കല്പടി(12), വെസ്റ്റ് എളേരി(2), വലിയപറമ്പ്(6), ബളാൽ(16), വോർക്കടി(1), മീഞ്ച(1), മുളിയാർ(5), ബേഡകം(13), കുറ്റിക്കോൽ(3), തൃക്കരിപ്പൂർ(2), കാറഡുക്ക(5), പുത്തിഗെ(1), മടിക്കൈ(2), ഈസ്റ്റ് എളേരി(1) സ്വദേശികളാണ് രോഗ ബാധിതരായത്.

വീടുകളിലും സ്ഥാപനങ്ങളിലുമായി ജില്ലയിൽ 4431 പേരാണ് നിരീക്ഷണത്തിലുള്ളത്. പുതുതായി 299 പേരെ കൂടി നിരീക്ഷണത്തിലാക്കി. സെന്‍റിനൽ സർവ്വേ അടക്കം 1479 പേരുടെ സാമ്പിളുകൾ കൂടി പരിശോധനയ്ക്ക് അയച്ചു. 431 പേരുടെ പരിശോധനാഫലം ലഭിക്കാനുണ്ട്. 280 പേർ നിരീക്ഷണ കാലയളവ് പൂർത്തിയാക്കി.