കാസർകോട് : വെള്ളരിക്കുണ്ട് ഇടത്തോടിൽ പിക്കപ്പ് വാൻ മറിഞ്ഞ് അതിഥി തൊഴിലാളി മരിച്ചു. മധ്യപ്രദേശ് സ്വദേശി ബബ്‌ലു ആണ് മരിച്ചത്. അപകടത്തില്‍ നാലുപേർക്ക് പരിക്കേറ്റു. ഇലക്ട്രിക് പോസ്റ്റുകളുമായി പോയ വാനാണ് അപകടത്തിൽപ്പെട്ടത്.
ബുധനാഴ്‌ച രാത്രിയിലുണ്ടായ മഴയിലും കാറ്റിലും വെള്ളരിക്കുണ്ട് പ്രദേശത്തെ ഇലക്ട്രിക് പോസ്റ്റുകൾ പൊട്ടി വീണിരുന്നു. ഇത് നന്നാക്കാൻ എത്തിയതായിരുന്നു ബബ്‌ലു അടക്കമുള്ള അഞ്ചുപേർ.
Also read: ചെങ്ങന്നൂരിൽ കെ.എസ്.ആര്‍.ടി.സി സ്വിഫ്റ്റ് ബസും കാറും കൂട്ടിയിടിച്ചു; 2 മരണം
കെഎസ്ഇബി കരാർ തൊഴിലാളികളാണ് അഞ്ചുപേരും. അപകടം നടന്ന ഉടനെ ബബ്‌ലുവിനെ മംഗലാപുരത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
