കാസർകോട്: യുവാവിനെ ബന്ദിയാക്കി കാറും മൊബൈൽ ഫോണും പണമടങ്ങിയ പേഴ്‌സും തട്ടിയെടുത്ത കേസിലെ പ്രതി പിടിയിൽ. ചെങ്കള നാലാംമൈൽ സ്വദേശി ന്യൂമാനാണ് (21) അറസ്റ്റിലായത്. ഈ മാസം അഞ്ചിനായിരുന്നു കേസിനാസ്‌പദമായ സംഭവം.
ആദൂർ സ്വദേശി മുനീറിന്‍റെ കാറും പണവുമാണ് പ്രതി തട്ടിയെടുത്തത്. നേരത്തെയും ഇത്തരം കേസുകളിൽ ന്യൂമാൻ പ്രതി ആയിരുന്നുവെന്ന്‌ പൊലീസ് അറിയിച്ചു. പണവും കാറും പ്രതിയിൽ നിന്നും പൊലീസ് കണ്ടെടുത്തിട്ടുണ്ട്.
ALSO READ: ദിലീപ് പ്രതിയായ വധ ഗൂഢാലോചന കേസില്‍ നിര്‍ണായക വഴിത്തിരിവ്; തെളിവുകളുടെ മിറര്‍ ഇമേജ് വീണ്ടെടുത്തു
കവർച്ചയ്ക്ക് ശേഷം പ്രതിയെ കുറിച്ച് പൊലീസിന് വ്യക്തമായ സൂചന ലഭിച്ചിരുന്നു. തുടർന്നാണ് വിദ്യാനഗർ ഇൻസ്‌പെക്‌ടർ മനോജ്‌, സബ് ഇൻസ്‌പെക്‌ടർ പ്രശാന്ത് എന്നിവരുടെ നേതൃത്വത്തിൽ പ്രതിയെ അറസ്റ്റ് ചെയ്തത്. അന്വേഷണ സംഘത്തിൽ എസ്. ഐ വിനോദ്, സി.പി.ഒ സലാം എന്നിവർ ഉണ്ടായിരുന്നു.
