കണ്ണൂർ: പയ്യാവൂരിൽ കൂട്ടുകാരനുമൊത്ത് പുഴയിൽ കുളിക്കാനിറങ്ങിയ ഡിഗ്രി വിദ്യാർഥി ചുഴിയിൽപെട്ട് മുങ്ങി മരിച്ചു. ചന്ദനക്കാംപാറ ആടാംപാറ സ്വദേശി അലക്‌സ് ആണ് മരിച്ചത്. ശ്രീകണ്ഠപുരം എസ്ഇഎസ് കോളജിലെ ഡിഗ്രി വിദ്യാർഥിയാണ് .
ഇന്ന് വൈകുന്നേരം അഞ്ച് മണിയോടെ വീടിനടുത്ത പുഴയിലെ തെയ്യത്താർ കുണ്ടിൽ കുളിക്കാനിറങ്ങിയ അലക്‌സ് ചുഴിയിൽ പെടുകയായിരുന്നു. ഉടൻ തന്നെ നാട്ടുകാർ കരക്കെത്തിച്ച് തളിപ്പറമ്പ് സഹകരണാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കണ്ണൂർ ഗവ മെഡിക്കൽ കോളജിലേക്ക് മാറ്റി.
ALSO READ: ധനസഹായമാവശ്യപ്പെട്ട് വ്യാജ സന്ദേശം, രണ്ട് ദിവസത്തിൽ ലഭിച്ചത് 1,38000 രൂപ: യുവാവ് പിടിയിൽ
ചന്ദനക്കാംപാറ ആടാംപാറയിലെ മറ്റത്തിനാനി ജെയിസൺ- ഷൈനി ദമ്പതികളുടെ മകനാണ് അലക്‌സ്. സഹോദരി എയ്ഞ്ചൽ പൈസക്കരി ദേവമാതാ ഹയർ സെക്കന്‍ററി സ്‌കൂൾ വിദ്യാർഥിനിയാണ്.
