കണ്ണൂർ: കേരള കർണാടക അതിർത്തിയിൽ മാക്കൂട്ടം ചുരത്തിൽ ബസ് അപകടത്തിൽപെട്ട് ഡ്രൈവർ മരിച്ചു. നിരവധി പേർക്ക് പരിക്ക്. ബസിന്‍റെ ഡ്രൈവർ ചാമരാജ് നഗർ സ്വദേശി സ്വാമി (42) ആണ് മരിച്ചത്. ഇന്ന് (ജൂലൈ 19) പുലർച്ചെയാണ് സംഭവം.
also read:പാർലമെന്‍റ് സമ്മേളനം ഇന്ന് മുതൽ; സംയുക്ത പ്രതിരോധത്തിനായി പ്രതിപക്ഷം
ബെംഗളൂരുവിൽ നിന്ന് തലശ്ശേരിയിലേക്ക് വരികയായിരുന്ന കർണാടകയുടെ എസി സ്ലീപ്പർ ബസാണ്‌ അപകടത്തിൽപ്പെട്ടത്‌. നിയന്ത്രണം വിട്ട ബസ് മരത്തിൽ ഇടിക്കുകയായിരുന്നു. പരിക്കേറ്റവരെ ആശുപത്രികളിൽ പ്രവേശിപ്പിച്ചു.
അപകടത്തിൽ ബസിന്‍റെ മുൻഭാഗം പൂർണമായും തകർന്നു. നാട്ടുകാർ ചേർന്നാണ് രക്ഷാപ്രവർത്തനം നടത്തിയത്.
