കണ്ണൂർ: കോളജ് യൂണിയൻ തെരഞ്ഞെടുപ്പുമായി ബന്ധപ്പെട്ട് കണ്ണൂർ മാടായി കോളജിൽ സംഘർഷം. എസ്എഫ്ഐ പ്രവർത്തകരുടെ നാമനിർദേശ പത്രിക തള്ളിയതുമായി ബന്ധപ്പെട്ട തർക്കമാണ് സംഘർഷത്തിലേക്ക് നയിച്ചത്. എസ്എഫ്ഐ നൽകിയ നാല് നാമനിർദേശ പത്രികകളാണ് വരണാധികാരി തള്ളിയത്.
മാടായി കോളജില്‍ സംഘര്‍ഷം
ഇതിനു പിന്നാലെ തെര‍ഞ്ഞെടുപ്പ് ചുമതലയുള്ള അധ്യാപകർക്കതിരെ എസ്എഫ്ഐ രംഗത്തു വരികയായിരുന്നു. കെഎസ്‌യു പ്രവർത്തകരും പക്ഷം ചേർന്നതോടെ സംഘർഷത്തിലേക്ക് കാര്യങ്ങൾ എത്തി. പൊലീസ് കോളജിൽ എത്തി സംഘര്‍ഷം നിയന്ത്രണ വിധേയമാക്കാനുള്ള നടപടികള്‍ സ്വീകരിച്ചു.
