കണ്ണൂര്‍ : മകളുടെ സുഹൃത്തായ 15 കാരിക്ക് സമൂഹ മാധ്യമം വഴി അശ്ലീല സന്ദേശങ്ങളും ചിത്രങ്ങളും അയച്ച 52 കാരൻ കണ്ണൂരിൽ അറസ്റ്റിൽ. കുറുവ കരിയൻ കണ്ടി ഹൗസിൽ കെ. ഹരീഷിനെയാണ് ടൗൺ ഇൻസ്പെക്ടർ ശ്രീജിത്ത് കൊടേരി അറസ്റ്റ് ചെയ്തത്‌. ഇയാള്‍ക്കെതിരെ പോക്സോ കുറ്റം ചുമത്തി.
പെൺകുട്ടിയുടെ രക്ഷിതാവ് നൽകിയ പരാതിയിലാണ്‌ കേസെടുത്തത്‌. എൽഐസി ഏജന്‍റ് ആയ ഇയാൾ നിരവധി സ്ത്രീകൾക്ക് ഇത്തരത്തിൽ സന്ദേശങ്ങൾ അയച്ചതായി പോലീസ്‌ പറഞ്ഞു. ഇയാളുടെ ഫോൺ പരിശോധിച്ചപ്പോൾ ആണ് ഇത്‌ വ്യക്തമായത്‌.
ALSO READ:മദ്യപാനത്തിനിടെ തർക്കം; റാന്നിയിൽ ഒരാൾ കുത്തേറ്റു മരിച്ചു
കൂടുതൽ തെളിവുകൾ ശേഖരിക്കാന്‍ ഫോൺ ഫോറൻസിക്‌ പരിശോധനയ്ക്ക്‌ വിധേയമാക്കും. മകളുടെ ഫോണിൽ നിന്നാണ്‌ ഇയാൾ കൂട്ടുകാരികളുടെ ഫോൺ നമ്പറുകൾ ശേഖരിച്ചത്‌. സംഭവത്തിൽ വിശദമായ അന്വേഷണം നടത്തുമെന്ന്‌ പൊലീസ് അറിയിച്ചു.
