കണ്ണൂർ: കൊവിഡ് പ്രതിരോധ പ്രവർത്തനങ്ങൾ അട്ടിമറിക്കുന്നെന്ന് ആരോപിച്ച് കണ്ണൂർ കോർപറേഷനെതിരെ എൽഡിഎഫിന്‍റെ നേതൃത്വത്തിൽ പ്രതിഷേധം. കൊവിഡ് പ്രോട്ടോക്കോൾ പാലിച്ച് 303 കേന്ദ്രങ്ങളിലാണ് പ്രതിഷേധ പരിപാടി സംഘടിപ്പിച്ചത്.
കൊവിഡ് പ്രതിരോധത്തിൽ അട്ടിമറി; കണ്ണൂർ കോർപറേഷനെതിരെ എൽഡിഎഫിന്‍റെ ജനകീയ പ്രതിഷേധം
യുഡിഎഫ് ഭരിക്കുന്ന കണ്ണൂർ കോർപ്പറേഷനും വളപട്ടണം, അയ്യൻകുന്ന്, കടമ്പൂർ പഞ്ചായത്തുകളും കൊവിഡ് പ്രതിരോധ പ്രവർത്തനങ്ങളിൽ പരാജയമെന്നാണ് എൽഡിഎഫ് ചൂണ്ടിക്കാട്ടുന്നത്. കണ്ണൂർ മേയർ ടി ഒ മോഹനൻ കൊവിഡ് പ്രതിരോധത്തിൽ രാഷ്ട്രീയം കളിക്കുകയാണ്. ഇതിന്‍റെ ഭാഗമായാണ് പയ്യാമ്പലത്ത് മൃതദേഹം സംസ്കരിക്കുന്നതിൽ നിന്നും സന്നദ്ധ സംഘടനയായ ഐആർപിസിയെ വിലക്കിയതെന്നും എൽഡിഎഫ് ആരോപിക്കുന്നു. ഇതിനെതിരെയാണ് 303 കേന്ദ്രങ്ങളിൽ ജനകീയ പ്രതിഷേധം സംഘടിപ്പിച്ചത്.
ALSO READ: ലക്ഷദ്വീപിന്‍റെ വികസനമാണ് ബിജെപിയുടെ ലക്ഷ്യം: എ.പി അബ്‌ദുള്ളക്കുട്ടി
