കണ്ണൂരില്‍ പുഴയില്‍ കാണാതായവരില്‍ ഒരാളുടെ മൃതദേഹം കണ്ടെത്തി

ആറാട്ടുകടവില്‍ കുളിക്കുന്നതിനിടെയാണ് ഇരുവരും ഒഴുക്കില്‍പെട്ടത്.

കണ്ണൂർ: ആലക്കോട് രായരോം പുഴയിൽ കാണാതായ രണ്ട് യുവാക്കളില്‍ ഒരാളുടെ മൃതദേഹം കണ്ടെത്തി. വട്ടക്കയം സ്വദേശി വെള്ളാപാണയിൽ ജോഫിന്‍റെ മൃതദേഹമാണ് കണ്ടെത്തിയത്.

സുഹൃത്ത് അക്ഷയ്യ്ക്ക് വേണ്ടിയുള്ള തെരച്ചിൽ തുടരുകയാണ്. കണ്ണൂര്‍ അരങ്ങം സ്വദേശിയാണ് അക്ഷയ്. പൊലീസും അഗ്നിസുരക്ഷ സേനയും നാട്ടുകാരും ചേര്‍ന്നാണ് തെരച്ചില്‍ നടത്തുന്നത്.

ഞായറാഴ്ച രാവിലെ നടത്തിയ തെരച്ചിലിലാണ് ജോഫിന്‍റെ മൃതദേഹം കണ്ടെത്തിയത്. കനത്ത മഴയും, ശക്തമായ ഒഴുക്കും പരിശോധനയ്ക്ക് വിലങ്ങുതടിയാകുന്നുണ്ട്. ശനിയാഴ്‌ച വൈകിട്ടാണ് ആറാട്ടുകടവില്‍ കുളിക്കുന്നതിനിടെ ഇരുവരും ഒഴുക്കില്‍പ്പെട്ടത്.