കണ്ണൂർ: ഒൻപത് സർവകലാശാലകളിലെ വൈസ് ചാന്‍സലര്‍മാരെ പുറത്താക്കാനുള്ള ഗവർണറുടെ നടപടി കേരളത്തിലെ ഉന്നത വിദ്യാഭ്യാസ മേഖലയെ തകർക്കാനെന്ന് കണ്ണൂർ വിസി ഡോ. ഗോപിനാഥ് രവീന്ദ്രൻ. എല്ലാ വിസിമാരെയും പുറത്താക്കുമെന്ന് പറയുന്നതിൽ ഗവർണർക്ക് രാഷ്ട്രീയ താത്‌പര്യമുണ്ടെന്ന് കരുതുന്നു. ഓരോ വൈസ് ചാന്‍സലര്‍മാരെയും പുറത്താക്കാൻ ഓരോ യൂണിവേഴ്‌സിറ്റിക്കും വേറെ നിയമമാണെന്നും അദ്ദേഹം മാധ്യമങ്ങളോട് പറഞ്ഞു.
ഗവര്‍ണര്‍ ആരിഫ് മുഹമ്മദ് ഖാനെതിരെ കണ്ണൂര്‍ വിസി
കെടിയു (Kalam Technological University) വിധി തനിക്കും ബാധകമാവും എന്നാണ് കരുതുന്നത്. വൈസ് ചാന്‍സലര്‍ ആയി നിയമിച്ച സമയം ആള്‍ക്ക് യോഗ്യതയുണ്ടോ എന്ന് ആദ്യം തന്നെ പരിശോധിക്കേണ്ടിയിരുന്നു. കാരണം കാണിക്കല്‍ നോട്ടിസിന് മറുപടി കൊടുക്കും. എന്നാൽ, എന്ത് എഴുതണം എന്നറിയില്ലന്നും കണ്ണൂർ വിസി പറഞ്ഞു.
