കണ്ണൂർ: കൂത്തുപറമ്പിനടുത്ത് മാങ്ങാട്ടിടത്ത് ഉഗ്രസ്ഫോടകശേഷിയുള്ള നാല് സ്റ്റീൽ ബോംബുകൾ കണ്ടെടുത്തു. രഹസ്യവിവരത്തിന്റെ അടിസ്ഥാനത്തിൽ കൂത്തുപറമ്പ് എസ്‌. ഐ സ്മിതേഷും സംഘവും നടത്തിയ പരിശോധനയിലാണ് ബോംബുകൾ കണ്ടെടുത്തത്.
കൂത്തുപറമ്പിനടുത്ത് നിന്ന് ഉഗ്രസ്ഫോടകശേഷിയുള്ള സ്റ്റീൽ ബോംബുകൾ കണ്ടെടുത്തു
കിണറ്റിനടുത്തുള്ള ഫ്ലക്സ് ബോർഡിന് പിന്നിൽ ഒളിപ്പിച്ച നിലയിലായിരുന്നു ബോംബ്. കസ്റ്റഡിയിൽ എടുത്ത ബോംബുകൾ ബോംബ് സ്ക്വാഡിന്റെ സഹായത്തോടെ നിർവീര്യമാക്കി. കണ്ടെടുത്ത ബോംബുകൾ അടുത്ത കാലത്തായി നിർമ്മിച്ചതാണെന്നും ഉഗ്രസ്ഫോടകശേഷി ഉള്ളവയാണെന്നും പൊലീസ് പറഞ്ഞു.
