ആറളത്ത് കാട്ടാന ആക്രമണം: യുവാവിനെ കാട്ടാന ചവിട്ടി കൊന്നു

കാളികയം സ്വദേശി വാസുവാണ് കാട്ടാനയുടെ ചവിട്ടേറ്റ് മരിച്ചത്.

കണ്ണൂർ: ആറളത്ത് യുവാവിനെ കാട്ടാന ചവിട്ടി കൊന്നു. കാളികയം സ്വദേശി വാസു (34) ആണ് മരിച്ചത്. പൂക്കുണ്ടിലെ ബന്ധുവീട്ടിലേക്ക് വരികയായിരുന്നു വാസു.

ചൊവ്വാഴ്‌ച(27.09.2022) രാത്രി ഒൻപത് മണിയോടെയാണ് കാട്ടാനയുടെ ചവിട്ടേറ്റത്. അടുത്ത് ഉണ്ടായിരുന്ന സ്ത്രീ ബഹളം വച്ചപ്പോൾ വാച്ചർമാർ ഓടിയെത്തി വാസുവിനെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.