ഇടുക്കി : ഇടുക്കി അണക്കെട്ടിലെ ജലനിരപ്പ് ക്രമീകരിക്കാനായി തുറന്ന മൂന്ന് ഷട്ടറുകളിൽ അവസാനത്തേതും അടച്ചു. രണ്ട് ഷട്ടറുകൾ നേരത്തെ താഴ്‌ത്തിയിരുന്നു. തുടർന്ന് ഒരു ഷട്ടർ 35 സെന്‍റീമീറ്ററിൽ നിന്ന് 40 സെന്‍റീമീറ്ററായി ഉയർത്തുകയും ചെയ്തു. ഈ ഷട്ടറാണ് ഇപ്പോൾ അടച്ചത്.
ALSO READ:മഴയ്‌ക്ക് ശമനം; ഇടുക്കി അണക്കെട്ടിന്‍റെ രണ്ട് ഷട്ടറുകൾ താഴ്ത്തി
ജലനിരപ്പ് 2397.90 അടിയിലെത്തിയ സാഹചര്യത്തിലാണ് ഷട്ടർ അടയ്ക്കാൻ ജില്ല ദുരന്ത നിവാരണ അതോറിറ്റി ചെയർപേഴ്‌സണ്‍ കൂടിയായ കലക്ടർ അനുമതി നൽകിയത്. ഡാമിലേക്കുള്ള നീരൊഴുക്ക് കുറഞ്ഞിട്ടുണ്ട്.
