ഇടുക്കി : മൂന്നാറിൽ പണിമുടക്കിനിടെ പൊലീസും സമരാനുകൂലികളും തമ്മില്‍ ഏറ്റുമുട്ടി. സംഘര്‍ഷത്തിനിടെ ദേവികുളം എം.എല്‍.എ എ രാജയ്ക്ക് മര്‍ദനമേറ്റു. മൂന്നാർ ടൗണിൽ 12മണിയോടെയായിരുന്നു സംഭവം. പണിമുടക്കുമായി ബന്ധപ്പെട്ട പൊതുയോഗം നടത്തവെ ഇതുവഴി കടന്നുപോയ ചില വാഹനങ്ങൾ സമരാനുകൂലികൾ തടഞ്ഞു.
മൂന്നാറിൽ പണിമുടക്കിനിടെ സംഘര്‍ഷം ; എം.എല്‍.എ എ രാജയ്ക്ക് പൊലീസ് മര്‍ദനം
ഇതോടെ പൊലീസ് ഇടപെട്ട് പ്രവര്‍ത്തകരെ മാറ്റി ഗതാഗതം പുനസ്ഥാപിച്ചു. ഇതിനിടെ ചില പ്രവര്‍ത്തകരെ പൊലീസ് കസ്റ്റഡിയില്‍ എടുത്ത് വാഹനത്തില്‍ കയറ്റാന്‍ ശ്രമിച്ചു. ഇതോടെ എം.എല്‍.എ ഇടപെടുകയും പൊലീസിനെ തടയുകയുമായിരുന്നു.
