കൊവിഡ് : മംഗളാദേവി ക്ഷേത്രത്തിലെ ചിത്രപൗര്‍ണമി ഉത്സവം ഉപേക്ഷിച്ചു

കൊവിഡ് നിയന്ത്രണങ്ങളുടെ ഭാഗമായാണ് തീരുമാനം.

ഇടുക്കി: ചരിത്രപ്രസിദ്ധമായ മംഗളാദേവി കണ്ണകി ക്ഷേത്രത്തിലെ ചിത്രപൗർണമി ഉത്സവം ഈ വർഷവും ഉണ്ടാകില്ലെന്ന് ഇടുക്കി കലക്ടർ എച്ച് ദിനേശൻ. കൊവിഡ് നിയന്ത്രണങ്ങളുടെ ഭാഗമായാണ് തീരുമാനം. പെരിയാർ വന്യജീവി സങ്കേതത്തിനുള്ളിലെ കാനന ക്ഷേത്രമായ മംഗളാദേവി ക്ഷേത്രത്തിലെ ഉത്സവം തമിഴ്നാട്ടിലെ തേനി ജില്ല ഭരണകൂടവും, ഇടുക്കി ജില്ല ഭരണകൂടവും ചേർന്നാണ് നടത്തിയിരുന്നത്.

തമിഴ്നാട്ടിലും ഉത്സവങ്ങൾ നിരോധിച്ച സാഹചര്യത്തിൽ തേനി ജില്ല ഭരണകൂടവുമായി ചേർന്നാലോചിച്ച ശേഷമാണ് തീരുമാനമെടുത്തതെന്ന് കലക്ടർ പറഞ്ഞു. കഴിഞ്ഞ വർഷവും കൊവിഡ് നിയന്ത്രണങ്ങളുടെ ഭാഗമായി ഉത്സവം ഉണ്ടായിരുന്നില്ല.