ഇടുക്കി : മാങ്കുളത്ത് ജനവാസ മേഖലയില്‍ ഇറങ്ങിയ പുലിയെ പ്രദേശവാസികള്‍ തല്ലിക്കൊന്നു. ഇന്ന് (03-09-22) പുലർച്ചയോടെയാണ് സംഭവം. അമ്പതാംമൈൽ സ്വദേശി ഗോപാലന്‍ എന്നയാളെ ആക്രമിച്ചപ്പോൾ പുലിയെ തല്ലിക്കൊല്ലുകയായിരുന്നുവെന്നാണ് പ്രദേശവാസികള്‍ പറയുന്നത്.
ഇന്നലെ രാത്രിയിൽ അമ്പതാംമൈലിൽ എത്തിയ പുലി രണ്ട് ആടുകളെ കൊന്നിരുന്നു. കഴിഞ്ഞ കുറച്ചുനാളുകളായി മാങ്കുളം മേഖലയിൽ പുലിയുടെ ശല്യമുണ്ട്. പുലിയുടെ സാന്നിധ്യം തിരിച്ചറിഞ്ഞതോടെ വനം വകുപ്പ് മേഖലയില്‍ ക്യാമറകള്‍ സ്ഥാപിച്ചിരുന്നു.
പുലിയുടെ ജഡത്തിന്‍റെ ദൃശ്യം
Read more: പുലിഭീതിയൊഴിയാതെ മാങ്കുളം, ആശങ്കയില്‍ നാട്ടുകാര്‍
ക്യാമറയില്‍ ചിത്രം പതിഞ്ഞതോടെ പുലിയെ പിടികൂടാനായി കൂട് ഒരുക്കിയെങ്കിലും കെണിയില്‍ അകപ്പെട്ടില്ല. ഇതിനിടയിലാണ് ഇന്ന് പുലർച്ചെ പുലിയെ പ്രദേശവാസികള്‍ ചേര്‍ന്ന് തല്ലിക്കൊന്നത്.
