ഇടുക്കി: ധിക്കാരം നിറഞ്ഞ ഭരണത്തിൽ നിന്ന് മാറ്റം വേണമെന്ന മനോഭാവമാണ് സംസ്ഥാന ജനതക്കുള്ളതെന്ന് കേരളാ കോൺഗ്രസ് നേതാവ് ഫ്രാൻസിസ് ജോർജ്. ഇടുക്കി നിയോജകമണ്ഡലം നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനാധിപത്യ വ്യവസ്ഥിതിയിൽ ധിക്കാരവും ധാർഷ്ട്യവും ഭരണാധികാരികൾ കാണിക്കുവാൻ പാടില്ല. ഒരു ലക്ഷത്തി പതിനാറായിരത്തിലധികം ആളുകളെയാണ് ഈ സർക്കാർ റാങ്ക്‌ലിസ്റ്റിലുള്ളവർ നിൽക്കേ സ്ഥിരപ്പെടുത്തിയത്. ഇത്ര ശക്തമായ ഒരു സമരം സെക്രട്ടേറിയറ്റിന് മുന്നിൽ നടക്കുമ്പോഴും പ്രത്യേക മന്ത്രിസഭായോഗം ചേർന്ന് താൽക്കാലികക്കാരെ സ്ഥിരപ്പെടുത്തുന്ന കാഴ്‌ചയാണ് സംസ്ഥാനത്ത് കാണാനായത് എന്നും ഫ്രാൻസിസ് ജോർജ് പറഞ്ഞു .
ധിക്കാര ഭരണം ജനങ്ങൾക്ക് വേണ്ടെന്ന് ഫ്രാൻസിസ് ജോർജ്
