ഇടുക്കി: ഹോര്‍ലിക്‌സ് കുപ്പിയിലാക്കി സൂക്ഷിച്ചിരുന്ന കഞ്ചാവുമായി ഒരാള്‍ അടിമാലി എക്സൈസ് റേഞ്ച് സംഘത്തിൻ്റെ പിടിയിലായി. നിരവധി കഞ്ചാവ് കേസുകളിൽ പ്രതിയായ ഇരുമ്പുപാലം മുത്തിക്കാട് സ്വദേശി സെയ്‌ദു മുഹമ്മദാണ് പിടിയിലായത്. പത്തോളം ചെറുപൊതികളിലാക്കി വിൽപ്പനക്കായി സൂക്ഷിച്ചിരുന്ന 60 ഗ്രാം കഞ്ചാവാണ് ഇയാളുടെ പക്കൽ നിന്ന് എക്സൈസ് പിടികൂടിയത്.
അടിമാലി കോടതിയിൽ നിന്നുള്ള വാറന്‍റ് പ്രകാരം പ്രതിയെ അറസ്റ്റ് ചെയ്യാനായി വീട്ടിലെത്തിയപ്പോഴാണ് എക്സൈസ് റേഞ്ച് സംഘം കഞ്ചാവ് പിടിച്ചെടുത്തത്. ചെറുപൊതികളിലാക്കി ഹോർലിക്‌സിന്‍റെ കുപ്പിയിൽ ആട്ടിൻകൂടിനടുത്ത് ഒളിപ്പിച്ചുവച്ച നിലയിലായിരുന്നു കഞ്ചാവ്. തമിഴ്‌നാട്ടിൽ നിന്നെത്തിക്കുന്ന കഞ്ചാവ് ചെറുപൊതികളാക്കി അഞ്ഞൂറ് രൂപ നിരക്കിൽ പ്രതി വിൽപ്പന നടത്താറുണ്ടെന്നും എക്സൈസ് ഉദ്യോഗസ്ഥർ വ്യക്തമാക്കി.
Also Read: പയ്യന്നൂരില്‍ മയക്കുമരുന്ന് മാഫിയ പിടിമുറുക്കുന്നു; പൊറുതിമുട്ടി നാട്ടുകാര്‍
