ഇടുക്കി: കൊച്ചി-ധനുഷ്‌കോടി ദേശീയപാതയില്‍ ചീയപ്പാറക്ക് സമീപം രോഗിയുമായി പോയ ആംബുലന്‍സ് കൊക്കയിലേക്ക് മറിഞ്ഞു. ചൊവ്വാഴ്ച്ച പുലര്‍ച്ചെ ഒരു മണിയോടെയായിരുന്നു അപകടം. അപകടത്തില്‍പ്പെട്ടവരെ പ്രദേശവാസികളും അഗ്നിശമന സേനയുമെത്തി അടിമാലി താലൂക്ക് ആശുപത്രിയില്‍ എത്തിച്ചു. ചീയപ്പാറ വെള്ളച്ചാട്ടത്തിന് സമീപം ദേശിയപാതയുടെ വിസ്‌താരം കുറഞ്ഞ ഭാഗത്തുള്ള പാതയോരത്ത്‌ നിന്നും 50 അടിയോളം താഴ്‌ചയുള്ള കൊക്കയിലേക്ക് ആംബുലന്‍സ് കുത്തനെ വീഴുകയായിരുന്നു.
രോഗിയുമായി പോയ ആംബുലന്‍സ് കൊക്കയിലേക്ക് മറിഞ്ഞു
