ഇടുക്കി: ഓള്‍ കേരളാ ഡോക്യുമെന്റ് റൈറ്റേഴ്‌സ് ആന്‍ഡ് സ്‌ക്രൈബ്‌സ് അസോസിയേഷന്റെ ഇടുക്കി ജില്ലാ സമ്മേളനത്തിന് അടിമാലിയില്‍ തുടക്കമായി. ഇന്ന് നടക്കുന്ന പൊതുസമ്മേളനം ദേവികുളം എംഎല്‍എ എസ് രാജേന്ദ്രന്‍ ഉദ്ഘാടനം ചെയ്യും. അടിമാലി സെന്റ് ജോര്‍ജ്ജ് യാക്കോബായ ചര്‍ച്ച് പാരിഷ് ഹാളിലാണ് സമ്മേളനത്തിന് തുടക്കം കുറിച്ചിട്ടുള്ളത്. രാവിലെ പത്ത് മണിക്ക് പതാക ഉയര്‍ത്തിയതോടെ സമ്മേളനത്തിന് ആരംഭമായി. സംഘടനാ സംസ്ഥാന പ്രസിഡന്റ് കെ ജി ഇന്ദുകലാധരന്‍ പ്രതിനിധി സമ്മേളനം ഉദ്ഘാടനം ചെയ്തു.
ഓള്‍ കേരളാ ഡോക്യുമെന്റ് റൈറ്റേഴ്‌സ് ആന്‍ഡ് സ്‌ക്രൈബ്‌സ് അസോസിയേഷൻ ജില്ലാ സമ്മേളനം ആരംഭിച്ചു
സംഘടനാ ജില്ലാ വൈസ് പ്രസിഡന്റ് ബിനോയി അനുശോചനപ്രമേയം അവതരിപ്പിച്ചു. സംസ്ഥാന ജനറല്‍സെക്രട്ടറി എ അന്‍സാര്‍ മുഖ്യപ്രഭാഷണം നടത്തി. ജില്ലാ സെക്രട്ടറി പി അനൂപ് പ്രവര്‍ത്തന റിപ്പോര്‍ട്ടും ജില്ലാ ട്രഷറര്‍ നവാസ് ഷേര്‍ഖാന്‍ കണക്കും അവതരിപ്പിച്ചു.
