ഇടുക്കി: മാട്ടുക്കട്ടയിൽ ബാറ്ററി വിൽപ്പനശാലയിൽ മോഷണം. സെയിന്റ്സ് ഓട്ടോ ഇലക്ട്രിക്കൽസ് എന്ന സ്ഥാപനത്തിലാണ് മോഷണം നടന്നത്. കഴിഞ്ഞ ദിവസം രാത്രിയാണ് 11 ബാറ്ററികൾ അപഹരിച്ചത്. കടയുടെ താഴ് വെട്ടിപ്പൊളിച്ച ശേഷമാണ് മോഷ്ടാക്കൾ ഉള്ളിൽ പ്രവേശിച്ചത്. കടയ്ക്കുള്ളിൽ ചാർജ് ചെയ്യാനായി സൂക്ഷിച്ചിരുന്ന 11 ബാറ്ററികൾ കടത്തിക്കൊണ്ട് പോയി.
ഏകദേശം 42,000 രൂപയുടെ നഷ്ടമുണ്ടായതായി കടയുടമ പറഞ്ഞു. രാവിലെ കടയില്‍ എത്തിയപ്പോഴാണ് ബാറ്ററികള്‍ മോഷണം പോയതായി കടയുടമ ആന്റണി കുര്യന്‍ അറിയുന്നത്. ഉടൻ തന്നെ ഉപ്പുതറ പൊലീസിൽ വിവരമറിയിച്ചു. പോലീസ് ഉദ്യോഗസ്ഥരും, വിരലടയാള വിദഗ്ധരും സ്ഥലത്ത് പരിശോധന നടത്തി.
മാട്ടുക്കട്ടയില്‍ ബാറ്ററി മോഷണം
